Si jambo geni kuona, na taka kitupwa ovyo
Kazagaa mitoni na, maji yetu kawa sivyo
Mitaroni kuachana, tashangaa ikaavyo
Tupe taka ifaavyo, tuhifadhi mazingira.
Na ufuoni hujasazwa, ndo nazo barabara
Taka mekuwa kilazwa, kutatiza hadi bara
Mimea nayo kamezwa, taka kote bila dira
Tupe taka ifaavyo, tuhifadhi mazingira.
Na mifugo kapungua, kwacho kifo kiso haki
Kawa gofu kupigia, mizoga imehakiki
Ndege hewa kupepea, meadimika kindaki
Tupe taka ifaavyo, tuhifadhi mazingira.
Vundo usotamanika, ndio pambio ya siku
Bahari imechafuka, osha tuna bila duku
Waama kumechafuka, hata macho yanashuku
Tupe taka ifaavyo, tuhifadhi mazingira.
Taka dhahabu tosha, manufaa tele nayo
Ujuzi ambatanisha, plastiki tuko nayo
Na viwanda tawekesha, ajira ndo wapatayo
Tupe taka ifaavyo, tuhifadhi mazingira.
Maji ndo yawa majini, vya majini Bolti kawa
Watoweka stakimuni, wavuvi kapa waiwa
Maji geuzwa sumuni, uwele tukavamiwa
Tupe taka ifaavyo, tuhifadhi mazingira.